Онлайн марафон: Телеарна және интернет: көрермен мен жарнама үшін күрес

«Телеарна және интернет: көрермен мен жарнама үшін күрес». Отандық БАҚ өкілдері мен блогерлер онлайн марафонның дискуссия алаңында аталмыш тақырыпта пікірталасқа түсті. Дискуссия барысында сөз бостандығы, мемлекеттік арнаға қойылатын талаптар, ақпараттың шынайылығын тексеру тетіктері тілге тиек етілді. Оқырманын жаһандық желіден тапқан блогерлер «телеарна аудиториясы күн өткен сайын тарылып барады. Тиісінше, телевизияның ғұмыры келте болуы да ғажап емес»,- десе, телевизия майталмандары «телеарна мемлекеттің ажырамас бөлігі. Онсыз ғаламтордан толыққанды, шынайы ақпаратты алу мүмкін емес»,- дейді.

Мақат Садық, Халықаралық телевидение және радио академиясының академигі:

Интернет пен телеарнаны салыстыруға болмайды. Телеарна ол мемлекет деген сөз. Мемлекеті бар елдердің барлығында өзінің телевизиясы бар. Ең үлкен айырмашылығы осында. Әрине, телевизияны біз көптеген реформалар жасау керек. Цензуралар кетуі керек, таланттар жиналуы керек. Сосын телевизияға аналитикалық бағдарлама беру керек.