Елдегі «Береке банк» қайта сатылуы мүмкін

Бірнеше күн бұрын атауын «Береке банк» деп өзгерткен ресейлік Сбербанктің елдегі еншісі тағы саудаға шығарылуы мүмкін. «Бәйтерек» холдингінің өкілдері банк қызметі толығымен қалпына қайта келген соң сатылатынын хабарлады. Сарапшылар биыл банк салымшыларының қатары күрт азайғанын айтады. Мысалы, қаңтарда мұнда азаматтардың 1 трлн теңгеден аса қаржысы болса, тамызда 162 млрд теңгеге дейін азайып кеткен. Оның үстіне банк халықтың ақшасын тез арада қайтару үшін кредиттерді небары 330 млрд теңгеге сатып жіберді. Енді мамандар қаржы ұйымы санкциядан неғұрлым тез шықса, соғұрлым қызметін қалпына келтіруге мүмкіндік көп дейді. Олар банктің биыл 228 млрд теңге шығынға батқанын да еске салды.  

Ақерке Бектас