Атыраудағы мұнай өңдеу зауыты жұмысын толық тоқтатпайды

Атыраудағы мұнай өңдеу зауыты жұмысын толық тоқтатпайды. Бірер күн бұрын мұнда жөндеу басталған. Дегенмен технологиялық нысандарды жөндеу кезең-кезеңімен жүзеге асады. Демек, қондырғылар бірінен кейін бірі тоқтатылып, қайта іске қосылады. Жөндеу кезінде зауыт өнімнің 50-70%-на дейін шығара алады. Мәселен қазан-қараша айларында 692 мың тонна мұнай өңдеу жоспарланып отыр. Демек, тәулігіне шамамен 11 300 тоннадан асады. Атырау мұнай өңдеу зауытының өкілдері жөндеу жұмыстарының қарашаның соңына қарай аяқталатынын хабарлады. 

Ақерке Бектас