Алматылық «Қайрат» бельгиялық «Андерлехт» командасымен тең түсті

Алматылық «Қайрат» футзалдан Чемпиондар лигасының алғашқы кездесуінде бельгиялық «Андерлехт» командасымен тең түсті. Сырт алаңда өткен ойынның бесінші минутында бельгиялық Франко Еловчич есеп ашты. «Қайрат» командасы 17-ші минутта есепті теңестірді. Екінші таймның 23 минутында Диего соққан голдың арқасында алаң қожайындары алға шыққан еді. 38-минутта Дәурен Тұрсағұлов бельгиялықтардың қақпасына екінші голды салып, ойынға нүкте қойды. Есеп 2:2. Жерлестеріміз бүгін Испанияның «Пальмо», ертең Францияның «Спортинг-Париж»командаларымен ойнайды.

Асқар Әбдірахманов, ҚР Бельгиядағы елшілігінің кеңесші-уәкілі, жанкүйер:

«Андерлехт» өзінің осал емес команда екенін көрсетті. «Қайратпен» тең дәрежеде ойнай алатын. Бірақ, біздің ойыншылар мінез көрсетіп, нәтижесінде тең ойын шықты. Алдағы ойындарда «Қайрат» жеңіске жетеді деп сенеміз, қолдаймыз.

Пауло Рикардо Кака, Футзалдан Қазақстан құрамасының бас бапкері:

Әрине, біз мұндай нәтиже күтпеп едік. Топтағы қарсыластарымыз мықты, олармен ойнау оңай емес. Дегенмен, біздің команда күш жинап, алдағы екі ойында оң нәтиже көрсетеді деген ойдамын.

Нұрсұлу Қасым