Елімізде үйді заңсыз жалға бергендер жауапқа тартылады

Кірістер комитеті үйді заңсыз жалға беретіндерді жаңа тәсілмен анықтауға көшті. Қазір бюджетке салық төлемей пәтерін жалға беретін жеке тұлғаларды анықтау үшін ведомствоаралық жоспар құрылған. Енді учаскелік полиция инспекторлары тұрғын үйді заңсыз жалға берушілердің тізімін жасайды. Бақылау аяқталған соң азаматтарға ескерту беріледі. Талапты орындамаған жағдайда өзге де жауапкершілікке тартылуы мүмкін. Бұған дейін елде кәсіппен заңсыз айналысқандарға 7 млн теңгеден аса айыппұл салынған. Тәртіп бұзушылардың арасында ғимаратты жалға берушілер мен такси жүргізушілері бар. Заңсыз кәсіпке салынатын айыппұл 45 мың теңгеден басталады. Қайта бұзғаны үшін 76 мың теңгеден аса ақша төлейді.  

Ақерке Бектас