Келер жылдан бастап елге келген шетелдіктер туристік жарна төлейді

Келер жылдан бастап елге келген шетелдіктер туристік жарна төлейді.

Үкімет қаулысына сәйкес, мұндай төлем туристердің орналасқан аумағында әрбір тәулік үшін алынады. Тек қала мен аудандардағы хостел, қонақжай және жалға берілетін үйлер есептелмейді. Қаңтардан бастап туристік жарна 5%-дан аспайды. Жалпы оның мөлшерін жергілікті атқарушы органдар белгілейді. Сәйкесінше, ақша жергілікті бюджетке түседі. Төлем маусымға байланысты өзгеруі де мүмкін. Туристік операторлар шетелдіктерді орналастырып, жеке басын куәландыратын құжаттарды көрсеткен жағдайда міндетті төлемді алады. Бастысы оларға жарна төлейтіні алдын ала ескерту маңызды. 

Ақерке Бектас