Басты Жаңалықтар Еуропа елдерінде дәрі-дәрмек тапшы

Еуропа елдерінде дәрі-дәрмек тапшы

12.01.2023 10:00

Еуропа дәрі-дәрмек дағдарысына тап болды. Қарт құрлықтың бірнеше мемлекетінде антибиотик, балалардың ыстығы көтерілгенде беретін сироптар мен рак ауруларын емдеуге қажетті препараттар тапшы.

Мамандардың пайымынша, дәрінің жетіспеуіне шикізат пен электроэнергияның қымбаттауы себеп. Сондай-ақ Еуропаның фармацевтикалық компаниялары жұмыс күші арзан болған соң зауыттарын Қытай мен Үндістанға көшірген.

Геосаяси ахуал ушыққалы препараттарды Азиядан тасымалдау қиынға соққан.

Мари ван Дерм, Брюссель қаласының тұрғыны:

Тұмау күшейгелі отбасымызбен ауырып жатырмыз. Дәріханадан парацетамол мен ибупрофен сұрап едім, Еуропа бойынша жоқ. Қашан түсетіні белгісіз дейді. Дамыған елдерде дәрі тапшы деген сұмдық қой.

Мишель Фреминер, фармацевт:

Антибиотик, басқа да дәрілер ауруханаларда да жоқ. Жағдай өте қиын. Қазіргідей қымбатшылық кезде фармкомпанияларға дәрі шығару тиімсіз. Себебі заңда оларға препарат бағасын көтеруге тыйым салынған. Сол мораторийді алып тастағанда ғана проблема шешілуі мүмкін.

Нұрсұлу Қасым

Автор

Нұрсұлу Қасым

Бөлісу