ЕуроОдақ қазақ билігінің «Әділетті Қазақстан» құруға бағытталған реформаларын қолдайды

Еуропалық Одақ қазақ билігінің «Әділетті Қазақстан» құруға бағытталған реформаларын қолдайды. Бұл туралы ұйым өкілдері Брюссельде Сыртқы істер министрінің орынбасары Роман Василенкомен кездесу барысында мәлімдеді. Вице-министр ЕуроОдақтың адам құқықтары жөніндегі төрағасы, Еуропа сыртқы істер қызметінің өкілдері және Еуропарламент депутаттарымен кездесті. Тараптар Транскаспий көлік дәлізі арқылы сауда-саттықты арттыру, Қазақстан азаматтарына Шенген визасын рәсімдеуді жеңілдету мәселелерін талқылады. Еуропа тарапы наурызда өтетін Мәжілістің кезектен тыс сайлауына да қызығушылық танытып отыр.

Роман Василенко, ҚР Сыртқы істер министрінің орынбасары:

Еуропалық комиссияның төрағасы Урсула Фон Дер Ляйен биыл Қазақстанға сапарлап, шикізат материалдары, батареялар мен «жасыл» сутектің құн тізбектері саласындағы стратегиялық әріптестік туралы былтыр Премьер-Министр Смайыловпен қол қойған меморандумды жүзеге асыруға бағытталған жол картасын бекітеді деп күтілуде. Қазақстан Еуропа нарығына 8-9 пайыз мұнай тасымалдап отырған ең маңызды энергоресурс жеткізушілердің бірі. Енді жасыл сутегі, энергияның жасыл көздеріне үлкен мән берілетін болады.

Нұрсұлу Қасым