Құрылысқа бөлінген ақша қайта есептеледі

Мемлекет тапсырысы арқылы басталған құрылыс жобалары жыл ішінде аяқталмаса, құны қайта есептеледі. Ұлттық кәсіпкерлер палатасының мәліметінше, мердігер ұйымдар инвестициялық жобаны іске асыру кезінде қаржы мәселесі бойынша жиі жүгінген. Бюджеттен қаржыландырылатын құрылысты жүргізу кезінде жобалау-сметалық құжатта проблема көп, дейді мамандар. 

Мысалы бастапқы кезеңде белгіленген баға мен нарықтағы бағаның айырмашылығы. Жобалық сметалық құжатқа сараптаманың қорытындысы 2019 жылы берілгенімен, тапсырыс беруші құрылыс жүргізуге конкурсты 2022 жылы өткізген жағдай жиі кездескен. Ал арадағы 2-3 жылда құрылыс материалдары қымбаттап, еңбекақы мөлшері өскен соң бастапқы белгіленген қаржы жетпей қалған.  

Ақерке Бектас