«Жастар саясатының үздігі» байқауының жеңімпаздары анықталды

Елордада «Жастар саясатының үздігі» байқауының жеңімпаздары анықталды. Президент Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты жолдауын жастар арасында кеңінен насихаттау мақсатында ұйымдастырылған шығармашылық байқауға 17 өңірден 14 пен 29 жас аралығындағы жүзге жуық дарынды қыз-жігіттер қатысты. Олар қазақ тіліндегі авторлық шығармашылық жұмыстарын жіберген. Ұйымдастырушылар мен арнайы құрылған комиссия жеңімпаздарды анықтады. «Жүзден жүйрік» шыққан дарынды жастарға арнайы төсбелгі мен алғыс хат табысталды.

Саят Нәбиев, «Bilim-Orkenieti» ұлттық инновациялық ғылыми-зерттеу орталығы басшысының орынбасары:

Биыл жастарға байланысты бірнеше жобаларымыз бар. Өздеріңіз білесіздер биыл Мағжан Жұмабаев атамыздың мерейтойы. Соған орай сәуірде үлкен жастар форумы өтеді, ал бұл конкурс соның бастамасы болып саналады.

Ақмаржан Ғафизқызы