Түркістан облысында заңсыз ойын бизнесін ұйымдастырған

Түркістан облысының Сарыағаш қаласында заңсыз ойын бизнесінің 8 дерегі анықталды. Электронды казиноны 2 адам ашқан. Олардың заңсыз әрекетін ұйымдасқан қылмысқа қарсы күрес басқармасының қызметкерлері арнайы операция кезінде әшкереледі. Ойынхана мен күдіктілердің үйін тінту кезінде аппараттық-бағдарламалық кешен, техникалық құрылғы, құжат, қаражат және басқа да заттай дәлелдемелер табылды. Қазір күдіктілерге қатысты сотқа дейінгі тергеу жүріп жатыр.

Айнұр Ақбаева