Сайлау халықаралық талаптарға сай өтті

«Сайлау барлық халықаралық талаптарға сай өтті». Тәуелсіз Мемлекеттер Достастығы елдері парламентаралық ассамблеясының байқаушысы Елена Булдакова осылай дейді. Байқаушы Қазақстанның Италиядағы елшілігінде орналасқан N245-сайлау учаскесіндегі саяси науқанды қадағалаған. Осы учаскеде сайлауға қатысуға 400-ге жуық адам тіркеліп, олардың басым бөлігі дауыс берді.

Елена Булдакова, ТМД Елдері Парламентаралық Ассамблеясынан халықаралық байқаушы:

Сайлау өте жоғарғы деңгейде өтті. Ұйымдастырушылар партиялар жайлы екі тілде барлық ақпаратты дайындаған. Сайлаушылардың, әсіресе жастардың белсенділігі өте жоғары болды. Жастар өз позициясын білдіріп, азаматтық борышын өтеуге ерекше құлшыныспен келгенін байқадым. Және олар оқу бітірген соң елдеріне оралып, осы шет елде алған білімдерін елінің дамуына жұмсағысы келетінін айтқанда тәнті болдым.

Нұрсұлу Қасым