Қазақстандық ұстаздар бельгиялық әріптестермен тәжірибе алмасты

«Еуропалық Одақтың білім саласындағы инновациялық әдістерін қалай меңгеруге болады? Қарт құрлықтың оқу орындарымен ынтымақтастықты арттырудың жолы қандай? Еліміздің мектеп мұғалімдері Брюссельге сапарлап, еуропалық әріптестерімен тәжірибе алмасты. Қазақстанның әр аймағынан келген ұстаздар қауымы алдымен Бельгияның білім министрлігінің жұмысымен танысты. Сонан соң Брюссельдегі бірнеше мектепті аралап, әріптестерімен заман талабына сай білім берудің әдістері жайлы пікір алмасты. Шетелдік білім ошақтарының техникалық жабдықталуын, осы саладағы озық жетістіктеріне қанықты.

Ырза Мықтыбекова, химия пәнінің мұғалімі:

7-8 сыныпта өз мамандығын таңдай біледі екен. 9- сыныпқа тест тапсырып өтеді екен. Сол жері ұнады. Және бастауыш сыныпты аяқтаған оқушы тест тапсырып өтеді екен міндетті түрде, сол жері ұнады.

Жан-Пьер Каззаро, мектеп директоры:

Біз қазақстандық әріптестерімізбен тәжірибе алмасуға дайынбыз. Еуропа елдерінің білім жүйесі туралы аздап білеміз. Ұқсас жүйе. Ал, басқа мемлекеттердің, сіздерің жүйелеріңізді тереңірек білгіміз келеді. Болашақта елдеріңізге бельгиялық ұстаздардың сапарын ұйымдастырсақ жақсы болар еді.

Нұрсұлу Қасым