Абай облысында 5 жылда 120 миллион көшет отырғызылады

Абай облысындағы «Семей орманы» табиғи орман резерватында алдағы 5 жылда 120 миллионға жуық қылқан жапырақ пен ағаш отырғызылады. Қарағай көшеттерін егу жұмыстары бүгін басталды. 700 мың гектар аумақты алып жатқан алқаптың басым бөлігінде 25 жыл бұрын қатты өрт болған. Мемлекеттен қомақты қаржы бөлініп жыл сайын өңірдегі бірегей саналатын қарағайлы орманды қалыпқа келтіру жұмысы қолға алынды. Президент тапсырмасына сай 2025-жылға дейін еліміздегі ормандарда 2 миллиард жасыл желек егілуі тиіс. «Семей Орманында» көшеттерді дайындайтын 8 заманауи тұқымбақ бар. Ондағы қор қызыл жалын шарпыған жерлерді толықтай қалыпқа келтіруге жеткілікті, дейді мамандар.

Нұржан Бақтыбеков, орманшы:

1997 жылы үлкен өрт болған кезде көп жерлер өртеніп кеткен. Сол өртеніп кеткеннен бері жылда орманды молайту жұмыстары жүргізіліп жатыр. Жылдан-жылға салынатын аудан азайып келеді. Былтыр мысалға келтірсек, көктемде 251 гектар салынған болатын. Жұмыс көп әлі де. 10 жыл, 20 жыл керек негізі.

Ержан Жақып