Абай облысында биыл 235 шақырым жол жөнделеді

Абай облысында биыл 235 шақырым жол жөнделеді. Қала мен аудан орталықтарын қоспағанда ауыларалық жолдар да қалыпқа келтірілмек. «Ауыл – ел бесігі» мемлекеттік бағдарламасы аясында 33 жобаны жүзеге асыруға 3 миллиард теңгеге жуық қаражат бөлінген. Қазір осы арқылы елдімекендерді аудан орталығымен байланыстыратын жолдарды орташа жөндеу жұмыстары жүргізіліп жатыр. Мысалы Ақсуат ауданына осы мақсатқа 1 миллиард 600 мың теңге бөлінген. Қазір ауыл жолдарына асфальт төсеу басталып кетті. Жылдар бойы қара жолмен қатынап келген халық орталыққа қатынас жеңілдейтін болды деп риза.

Мариха Нұрханқызы, Танамырза ауылының тұрғыны:

Көп қиындық көретінбіз. Ауылдың жастарына мектептен басқа ештеңе жоқ. Барып-келіп жұмыс істейтіндер өте қиналатын. Қолға алып тас жолымыз, асфальт жол болатын болып жатыр. Ауылымыз қуанып жатыр.

Ержан Жақып