Басты Жаңалықтар Шеттен келген көліктерді рәсімдеу 1 қыркүйекте аяқталады

Шеттен келген көліктерді рәсімдеу 1 қыркүйекте аяқталады

15.08.2023 20:13

Шет елден әкелген көлігін рәсімдеп үлгермеген азаматтарға Ішкі істер министрлігі үндеу жасады. Дәлірек айтқанда талапқа сай емес автокөлік иелеріне. Бұл - 2022 жылдың қыркүйегінен кейін елге кіргізілген темір тұлпарлар. Және қылмысқа қатысы бар немесе кедендік тазалаудан өтпеген көліктер. Қазір осындай санаттағы 15 мыңдай көлік бар. Ішкі істер министрлігінің мәліметінше, күні бүгінге дейін 219 мың автокөлік қазақстандық есепке қойылған. Ал машинасы талапқа сай емес азаматтар утиль алымын төлеп, кедендік тазалаудан өтуі тиіс. Әйтпеген жағдайда заң аясында шара қолданылады.

Қайсар Сұлтанбаев, ҚР ІІМ Әкімшілік полиция комитетінің төрағасы:

Заң түрінде талапқа бағынбаған жүргізушілерге әкімшілік кодексі бойынша он айлық есептік көрсеткішпен айыппұл салынады бірінші рет. Екінші рет тағы да сондай заңбұзушылық болатын болса онда тағы да сондай айыппұл салынып автоөліктер арнайы тұрақтарға қойылатын болады.

Елдос Есенбол

Автор

Елдос Есенбол

Бөлісу