Абай облысындағы жаңа ауданның аумағы бекітілді

Президент тапсырмасы бойынша қайта қалпына келтірілетін Абай облысындағы Мақаншы ауданының әкімшілік-аумақтық құрылымы белгілі болды. Үржар аудандық мәслихатының кезектен тыс сессиясында Мақаншы ауданы құрамында болатын елдімекендер мен жер көлемі талқыланды.

Нәтижесінде Үржар ауданындағы 54 елдімекеннің 18-ін жаңадан құрылатын ауданның еншісіне беру туралы шешім қабылданды. Жалпы жер көлемі - 913 мың гектар. Аудандық мәслихат бұл ұсыныстарын енді облыстық мәслихат пен әкімшілік қарауына жібермек. 

Ержан Жақып