Эстетикалық гимнастикадан Әлем чемпионаты өтеді

Қарашаның 24-і мен 26-сы аралығында эстетикалық топтық гимнастикадан бірнеше ірі халықаралық турнир өтеді. Атап айтсақ, Жасөспірімдер арасындағы Әлем біріншілігі, Төрт құрлық чемпионаты мен «Almaty Cup» халықаралық турнирі ұйымдастырылады. Бұл туралы Орталық комммуникациялар қызметінде өткен брифингте айтылды.

Қазақстан топтық эстетикалық гимнастика федерациясы өкілінің сөзінше, жаһандық додаға әлемнің түкпір-түкпірінен 1500-ге жуық спортшы келеді. Әртүрлі жас санаттарында, сондай-ақ аралас командалар арасында 50 медаль жиынтығы сарапқа салынады. Жарыстар Алматыдағы Балуан Шолақ атындағы Спорт сарайында өтеді. Қазақстан ұлттық құрамасында 173 гимнаст ел намысын қорғайды. 

Ақмаржан Ғафизқызы