Жыл басынан бері Абай облысында 182 орман өрті тіркелді

Абай облысында орманға заңсыз кірген 40 адам әкімшілік жауапкершілікке тартылып 2,5 миллион теңгеден астам айыппұл салынды. Биыл «Семей орманы» табиғи резерватындағы болған ауқымды өрттен кейін азаматтық қорғаныс пен жергілікті полиция қауіпсіздікті күшейтіп, 360 рет рейд ұйымдастырды. Өрттің алдын алуға байланысты оқу-жаттығулары да жиі өтуде. Ауқымды жаттығудың бірі «Каштак» орманшылығында өтті. Оған 1 тікұшақ, 11 өрт сөндіру техникасы және 30 арнайы көлік жұмылдырылды. Жалпы жыл басынан бері Абай облысында 182 мәрте орман өрті тіркеліп, 1 млрд 350 мың теңгеден аса шығын келген.

Азамат Орымбаев, Абай облысы ТЖД бастығының орынбасары:

Қандай техника біз жұмылдырамыз? Қандай күш құралдарымыз бар. Өрт сөндіруге, орман сөндіруге дайындалған. Мынау орман өртіне тек қана жоғарғы өтілімі бар техника ғана жұмылдырылады. Өйткені орман ішінде жұріп, тұру қиын. Мына өткен өрттер де соны дәлелдеді.

Ержан Жақып