Павлодарда 9 айда жол апатынан 59 адам қайтыс болды

Павлодарда көлік апатынан 9 айда 59 адам қайтыс болған. Басты себеп жүргізушілердің жауапсыздығы. Ішімдік ішіп, көлік айдайтындарға жаза қатаңдатылғанымен, заң бұзғандар азаймай тұр. Соңғы тоғыз айда аймақта 1115 жүргізуші удай мас күйінде ұсталды.

Қуаныш Мұстафин, жергілікті полиция қызметінің бастығы:

Мас күйінде көлік айдап жол апатына себепші болған 19 жүргізушінің кесірінен 14 адам қаза тапты. 17 адам жараланды. Арақ ішкен жүргізушілерге қатысты 68 қылмыстық іс қозғалды, бір мыңнан аса жүргізуші әкімшілік жауапқа тартылды.

Болат Аманбаев