Франция Президенті ресми сапармен келді

Франция Президенті Эмманюэль Макрон Қазақстанға ресми сапармен келді. Мәртебелі мейманды «Ақорда» резиденциясында Мемлекет басшысы Қасым-Жомарт Тоқаев қарсы алды. Тараптар сауда-экономикалық, инвестициялық және энергетикалық ынтымақтастықты нығайту мәселелері жөнінде келіссөз жүргізеді. Әрі халықаралық және өңірлік мәселелерді талқылайды. Айта кетейік, Қазақстан Президенті былтырғы қарашада Францияға жасаған ресми сапарында әріптесін Астанаға шақырған еді.

Данияр Қайыртай