Абай облысында атты полиция қайта құрылды

Семейде атты полиция қайта құрылды. Енді көлік жүре алмайтын аумақтарды, жағалаулар мен саябақтарды патрульдік полиция батальонының атты әскер взводы бақылайды. Тәртіп сақшыларының мәліметінше құқық бұзушылықтың көбі саяжайларда орын алады. Енді ондай аудандардағы қоғамдық тәртіпті күшейтуге мүмкіндік туып отыр. Кавалерия бөлімшесін қажетті құралдармен, арнайы әбзелдермен қала әкімшілігі қамтамасыз еткен.

Қайрат Әбдіғалиев, Семей қалалық ІІБ бастығы:

Патрульдік полиция батальонының атты әскер взводы барлық талапқа сай келетін құралдармен қамтамасыз етілді. Айрықша белгілері бар киім мен ат әбзелдері берілді. Қала әкімшілігі полиция имиджін қалыптастыруда жан-жақты қолдау көрсетіп келеді. Бүгін «Сергек патруль» аталатын жүйе орнатылған көліктерге де ие болдық.

Ержан Жақып