Хостелдегі өртке байланысты Үкіметтік комиссия құрылды

Алматыдағы өртке байланысты қылмыстық іс қозғалды. Қылмыстық кодекстің 292-бабына сәйкес яғни «Өрт қауiпсiздiгi талаптарын бұзу» фактісі бойынша тергеу басталды. Сондай-ақ, хостелдегі өрттің шығу себептерін анықтау және оның салдарын жою үшін Үкіметтік комиссия құрылды. Жедел топтың төрағасы, Төтенше жағдайлар министрі Сырым Шәріпханов Алматыға алғашқы рейспен ұшып келді. Алдын ала мәліметтер бойынша, әу-баста жертөленің дәлізінде өрт шыққан. Қазір мән-жайды анықтау үшін апат орнында өрт сынау зертханасының мамандары жұмыс істеп жатыр.

Қаракөз Тұрмағанбет