Павлодар облысында бастауыш сынып оқушылары қашықтан оқытуға көшірілді

Бүгін түнде Шығыс Қазақстан обылысының солтүстік аудандарында аяздың күші 36 градусқа дейін жетті. Сондықтан дизельмен жүретін кейбір көлік түрлеріне кеше кешкі 19:00-ден бүгін таңғы 7-ге дейін жолға шығуға шектеу қойылды. Күннің суықтығына байланысты Риддер қаласы және Алтай, Күршім, Глубокое ауданының оқушылары қашықтан оқыту форматына ауыстырылды. Абай облысының да бірнеше ауданындағы мектептерде сабақ онлайн өтеді.

Павлодар облысында да аяз 27 градусқа жеткен. Ауа райының қолайсыздығына байланысты қаладағы бастауыш сынып оқушылары қашықтан оқытуға көшірілді. Күн барысында қатты жел соғады деген болжам бар. Сондықтан тұрғындарға сақ болу ескертіліп отыр.

Болат Аманбаев