Павлодар облысында «Ертіс орманы» резерватының басшысы қамалды

Павлодар облысы аумағындағы «Ертіс орманы» табиғи резерватының басшысы пара алды деген күдікке ілініп, екі ай мерзімге қамалды. Арман Бектеміровті Сыбайлас жемқорлыққа қарсы қызмет пен прокуратура бірлесіп ұстаған. Ол ормандағы санитариялық тазалық жұмыстарына тартылған кәсіпкерлермен ымыраласып, қарағайды заңсыз отады, сатылымға шығаруға жол берді деп айыпталып отыр. Мемлекеттік резерват есепшісіне қатысты да тергеу амалдары жүріп жатыр. Алдын ала мәлімет бойынша, ол басшысымен келісіп, бұрын жұмыс істеген адамдардың атына аудару арқылы бюджеттің 25 млн-ға жуық теңгесін жымқырған.

Болат Аманбаев