Павлодар облысында құбырдағы апаттың кесірінен су беру қиындады

Екібастұз қалалық су арнасына қарасты магистральде апат болып, Богатырь, Восточный кеніштері және Майқайың кентін сумен қамту қиындады. Өңірдегі ірі өндіріс ошағы Богатырь Көмір кенішіне су беру доғарылды. Бірақ, кәсіпорын жұмысын тоқтатқан жоқ.

 Ал 10 мың халқы бар Майқайыңға қазір ауыз су резервтегі қордан үнемделіп берілуде. 30 дан астам жұмысшы мен 10-ға жуық техника қатып қалған құбырды жөндеуге жұмылдырылған. Елдімекендерге Екібастұз, Павлодар қалаларынан су тасымалдайтын көліктер жіберілді. Оқиға орнына аймақ басшысы Асайын Байханов барып, жедел штаб құрылды.

Болат Аманбаев