Мал ұрлығымен айналысқан 12 топ ұсталды

Мал ұрлығымен айналысып келген 12 топ ұсталды. Ішкі істер министрлігі Қазақстанның барлық өңірі бойынша «Мал ұрысы» жедел-профиллактикалық шарасын жүргізіп, үш күннің ішінде күдікке ілінген 94 адамды ұстады. 400-ге жуық маман жұмылдырылған ісдестіру жұмыстарының нәтижесінде 141 мал ұрлығы анықталып, базар, павильон мен мал сою орындары тексерілді. Сондай-ақ 360-астам ұрланған мал иесіне қайтарылды. Министрлік өкілдерінің айтуынша, бұл рейд әрі қарай жалғасады.

Нұрсұлтан Нұрсейіт