Енді орман өртінің алдын алуға болады

Енді орман өртінің алдын алуға болады. «Ертіс орманы» табиғи резерватына жуық арада жалын тұтанысымен автоматты түрде белгі беретін жүйе іске қосылмақшы. Қазір орманға бейнебақылау камералары бекітілген 23 мұнара орнатылды. 24 шағын өрт сөндіру кешені, 15 арнайы техника сатып алынды. 50-ден астам өрт сөндіру бекеті жұмыс істеп тұр.

Қазбек Әметов, «Ертіс Орманы» мемлекеттік табиғи резерватының бас директоры:

Орманды қорғау шаралары Президентіміздің тікелей тапсырмасымен жүзеге асып жатыр. Біздерге 2 млрд теңгеге жуық қаржы бөлінді. Оны түгелдей игердік. Осы бүгіннен бастап алдағы үш күнде мамандармен оқу-жаттығу өткізіледі. Сәуірдің 8-і күнінен бастап резерват аумағында өрт қауіптілігі күшейуіне байланысты маусым басталады. Дәл сол күні өртті дер кезінде анықтауға арналған автоматты жүйені іске қосамыз.

Болат Аманбаев