Атырау облысында мыңнан астам адам қауіпсіз жерге көшірілді

Атырау облысында төтенше жағдай жарияланған Қызылқоға ауданының ауылдарынан мыңнан астам адам қауіпсіз жерге көшірілген. Тайсойған, Қоныстану елді-мекендерінен кешелі бері 200-дей тұрғын қалаға жіберілді. Қалғандары ауылдағы мектепте тұрып жатыр. Ол жерде азаматтар азық-түлік және қажетті заттармен қамтамасыз етілген. Миялыда 3, Қоныстану ауылында 1 эвакуациялық пункт тұрғындарды қабылдап жатыр.

Эльвира Шынекенова, ауыл тұрғыны:

Жағдайымыз жақсы. Қауіпсіз жер деп ойлаймын, 2-ші этаждамыз. Іште тамақты бәрін ұйымдастырып қойған екен. Памперсі, киіміне дейін қамтамасыз етіп жатыр көрпе, көпшігіне дейін беріп. Рахмет, жан-жақтан көмектесіп жатқан адамдарға.

Нұрсұлтан Нұрсейіт