Құлсарыда тұрғындарды эвакуациялық орталықтарға тегін жеткізіп жатыр

Тасқын судан зардап шеккен Атырау облысындағы Құлсары қаласына жан-жақтан көмек келуде. Көршілес Маңғыстау облысының волонтер азаматтары тұрғындарды Ақтау, Жаңаөзен қалаларындағы эвакуациялық орындарға тегін тасымалдап жатыр. Қиын-қыстау сәтте бір жағадан бас, бір жеңнен қол шығару азаматтық борышымыз, кез-келген көмекті беру дайынбыз, дейді олар.

Нұркен Айтқалиев, ерікті:

Қазақ болғаннан кейін, өзіміздің жеріміз болғаннан кейін, жерлестеріміз болғасын көмек қолымызды созып жатырмыз. Осы жаққа қалай су келді солай Маңғыстау халқы құлсарылықтармен бірге жүр ғой. Ауылымызда бекініс пунктер дайындап күтіп отыр Маңғыстау халқы.

Нұрсұлтан Нұрсейіт