Құлсарыда жағдай тұрақтала бастады
Құлсары қаласында жағдай тұрақтала бастады. Құрсай өзенінің деңгейі біртіндеп түсіп келеді. Қауіптің беті қайтқан соң, тұрғындар эвакуациялық пункттерден біртіндеп үйлеріне қайтып жатыр. Құлсарыдағы ахуалды әріптесім Нұрсұлтан Нұрсейіт жеткізсін.
Нұрсұлтан Нұрсейіт, тілші:
Үйіне су кірмесе де, сақтық үшін көшкен тұрғындар баспаналарына қайта оралып жатыр. Жем өзенінің бойындағы жасанды бөгеттерді бұзу нәтижесінде қазір өзендегі су деңгейі де едәуір түсті. Қарулы Күштердің «Батыс» өңірлік қолбасшылығының сарбаздары бүгінде 10 жасанды бөгетті жарып, судың жолын ашқаннан кейін жағдай қалыпқа келе бастады. Қазір Жем өзені Каспий теңізіне қарай кедергісіз ағып жатыр дейді мамандар.
Манарбек Рахман, ҚР қарулы күштері 41433 әскери бөлімі инженерлік қызметінің бастығы:
Құлсары қаласындағы төтенше жағдайларға байланысты қазіргі таңда Жем өзені бойындағы жасанды бөгеттерді ашу мақсатында жару жұмыстары ұйымдастырылып, жасанды бөгеттердің жолдары ашылды. Осыған орай бөгеттерден ең үлкен көлемде сулар ағып өтіп, Құлсары қаласындағы Құрсай өзегіндегі судың деңгейі түсе бастады.
Нұрсұлтан Нұрсейіт, тілші:
Жалпы Жылыой ауданына 586 әскери көмекке келді. Жауаптылар ахуалды қазір үнемі бақылап отыр. Күн сайын әуеден барлау жұмыстары жүргізлуде.
Нұрсұлтан Нұрсейіт
Автор
Нұрсұлтан Нұрсейіт
Сондай-ақ оқыңыз
Барлығы
Санаулы минуттан соң «Қайрат» - «Олимпиакос» матчы басталады
09.12.2025, 20:16
Білімді әрі адал ұрпақ – ұлт болашағы
09.12.2025, 20:14
Маңғыстау облысында 18 инвестициялық жоба жүзеге асты
09.12.2025, 20:13
Тұрғындар зейнетақы қорынан жылдағыдан 2 есе көп ақша алған
09.12.2025, 20:09
Мемлекеттік кеңесші Ерлан Қариннің төрағалығымен «Адал азамат» тәрбие бағдарламасының жүзеге асырылуы жөнінде жиын өтті
09.12.2025, 20:07
Еліміздегі жолдар пилотсыз көліктерге бейімделіп жатыр
09.12.2025, 20:04
Оңтүстікте су тапшылығы 1 млрд текше метрге дейін жетуі мүмкін
09.12.2025, 20:03
Президент Ресейдің Қазақстандағы елшісін қабылдады
09.12.2025, 20:02