Бала өміріне қатер төнгенде ғана мемлекет отбасы ісіне араласады - Аида Балаева

Мемлекет отбасы ісіне бала өміріне қатер төнген жағдайда ғана араласады. Мәдениет және ақпарат министрі Аида Балаева фейсбуктегі парақшасында, Президент қол қойған заңға қатысты бейнеүндеу жариялады. Құжаттың маңызды тұстарына тоқталды. Әйел құқықтары мен бала қауіпсіздігін қамтамасыз етуге қатысты заңда балаларды отбасынан ажырату туралы бірде-бір норма жоқ екеніне баса назар аударды.

Аида Балаева, ҚР Мәдениет және ақпарат министрі:

Мемлекеттің бұл бағыттағы саясаты ең алдымен отбасын сақтап қалуды, баланың отбасында өсуін, ата-ананың бала тәрбиесіндегі маңызды рөлін көздейді. Мемлекет отбасы ісіне тек баланың өмірі мен денсаулығына қатер төнген жағдайда ғана араласып, бала құқығын қорғайды. 

Қаракөз Тұрмағанбет