Атыраудың Жылыой ауданында эпидемиологиялық ахуал тұрақты

Атырау облысы, Жылыой ауданындағы су басқан аумақтарда эпидемиологиялық ахуал тұрақты. Мамандар халыққа берілетін тіршілік нәріне мониторинг жүргізіп жатыр. Орталық және өзге де сумен жабдықтау көздеріне санитариялық-химиялық, микробиологиялық талдаулар жасалды. Су тасқыны басталғаннан бері 133 ауызсу сынамасы алынған. Егер қауіп анықталған жағдайда жергілікті атқарушы органдар мен су шаруашылығы ұйымдарына құбыр желілері мен құрылыстарын дезинфекциялау туралы хабар беріледі.

Ақан Төлеуов, республикалық Санитариялық станциясы аса қауіпті жұқпалы аурулар бөлімінің дәрігер эпидемиологы:

Вирустық инфекцияға алынды. Оның ішінде интровирус, ротовирус деген инфекциялар және Гепатит а деген жұқпалы ауруларға алынды. Жұқпалы аурулардың соның ішінде аса қауіпті жұқпалы аурулардың қоздырғыштары бөлінген жоқ. Халыққа қауіпті әсер жоқ.

Нұрсұлтан Нұрсейіт