Атырауда Жайық өзенінің Каспий теңізіне құяр сағасы тереңдетіліп жатыр

Жайық өзенінің теңізге құяр сағасында тұрмыз. Көріп тұрғандарыңыздай мұнда жұмыс қызу. Барлығы жеделдетілген тәртіппен жүріп жатыр. Негізгі мақсат - өзен суының теңізге құятын ағысын арттыру. Мына жер бұрын өте тайыз болатын. Тереңдігі небәрі 40-50 смді құрайтын. Қазір мамандардың айтуынша, 1 метр 40 см-ге дейін тереңдетіліпті. 

Өзен сағасын тазарту, тереңдету, кеңейту үшін 4 техника мен 12 адам жұмылдырылған. Екеуі судың астын қазса, мына екі техника арғы жағынан құмды жинап қысыммен лақтырады. Бұл жұмыстар аяқталса өңірге келетін нөпір суды өз ағысымен теңізге ағызып жіберуге үлкен септігін тигізеді дейді мамандар.