Түркістан облысында балабақша тәрбиешілері бүлдіршіндерге қол жұмсаған

Түркістан облысының Келес ауданында балабақшалардың тәрбиешілері бүлдіршіндерге қол жұмсаған. Кейбірі тіпті баланы еден жуғышпен ұрған. Мұндай заңбұзушылықты прокурорлар тексеру кезінде анықтады. Мектепке дейінгі мекемелерде сондай-ақ, тәрбиешілердің балаларды шымшып, ұратыны және қараусыз қалдырып, ұйықтап жататыны белгілі болды. Қазір аудандағы 4 балабақшаның тәрбиешілеріне қатысты қылмыстық іс қозғалды. Оларға балаларды ұрып-соқты деген айып тағылды. Тиісті сараптамалар тағайындалып, күдіктілердің ісі сотқа жіберілді.

Айнұр Ақбаева