Атырау облысы Талдыкөл ауылында халықты алдын ала эвакуациялау басталды

Атырау облысы Махамбет ауданы Талдыкөл ауылында халықты алдын ала эвакуациялау басталды. Өр суы кіреберіс жолдың екі бөлігін де шайып жатыр. Бірінші кезекте эвакуацияланатын тұрғындар санатына жүкті әйелдер, балалар мен қарттар жатады. Ауыр науқастар Атырау облысының Денсаулық сақтау басқармасы әзірлеген алгоритм бойынша эвакуацияланады.

Тұрғындар үшін Атырау қаласында екі эвакуациялық пункт әзірленген. Ал ауылда қазір қорғаныс бөгеттерін нығайту және суды өткізу үшін құбырларды орнату жұмыстары жүргізіліп жатыр.

Нұрсұлтан Нұрсейіт