Атырау облысында су деңгейі 4 см-ге төмендеді

Атырау облысы Махамбет ауданында су деңгейі 4 см-ге төмендеді. Бірақ қауіп әлі бар. Су кемеріне жеткен соң, бөгеттерді бұзып кетіп жатыр. Ауданға қарасты Алға ауылында Жайық өзені ернеуінен асып, тұрғын жайлардың іргесіне тірелді. Қазір бекітілген 3 жарым шақырым бөгет қосымша нығайтылып жатыр. Бұған 20 техника жұмылдырылып, ауыл тұрғындары да қолғабыс етуде.

Төлеуғали Жұмағалиев, Алға ауылының тұрғыны:

Жастардың бәрі күзетке жыл-жыл болып бөлініп тұрады. Жағаның бәрін бетондау керек қой енді. Содан кейін бізге жеңілдеу болады. Ана жар құлап жатыр.

Гүлнәр Нұрғожина, Алға ауылдық әкімдігінің бас маманы:

Бізде қазіргі қауіп енді мына Атырау-Индер трассасының бойында боп жатыр. Сол енді қаламен қатынас қиындап жатыр. Оны қалалық жол бөлімдері келіп жасап жатыр. Оған ауыл азаматтары да көмектесіп жатыр. 

Нұрсұлтан Нұрсейіт