Маңғыстау облысында жаппай төбелескен түлектерге қатысты іс қозғалды

Жамбыл облысы Жуалы ауданында да түлектер мінген көлік аударылып, рөлде болған 21 жастағы студент қыз көз жұмды. Жарақат алған мектеп бітіруші түлек пен 10-шы сынып оқушысы, тағы бір 20 жастағы жолаушының жағдайы ауыр. Үшеуі де жансақтау бөлімінде жатыр.

 Толқын Өмірбаева, облыстық денсаулық сақтау басқармасы баспасөз бөлімінің басшысы:

2007 жылғы пациенттің бүгінгі таңда жағдайы ауыр, жансақтау бөлімінде. Түрлі күрделі жарақаттар алған. Қалған екі пациент хирургия бөлімінде жатыр, жағдайлары орта ауыр деңгейде. Екеуінде де бас-ми шайқалуы, көгеру мен түрлі гематома, жалпы түрлі жарақаттар анықталған. 

Ал, Маңғыстаудың Бейнеу ауданында соңғы қоңырау күні жаппай төбелескен түлектерге қатысты қылмыстық іс қозғалды. Жанжалға қатысқан 47 оқушы тергеліп жатыр. Сондай-ақ, облыс бойынша түлектер мінген 104 автокөлік айып тұрағына жабылды. Көлік иелері әкімшілік жауапкершілікке тартылып, айыппұл салынған.

Аягөз Оралбайқызы