Қоймаларға жиналған су ауыл шаруашылығы саласына жұмсалады

Атырау облысынан басқа еліміздің барлық өңіріңде су тасқыны аяқталды. Жайық өзенінің Атырау қаласы жақ бөлігіндегі деңгейі - 600 см, ал Махамбет ауылында – 10 метрден асып кетті. «ҚазСушар» филиалының жергілікті мамандары тасқын суын қауіпсіз өткізу жұмыстарын жалғастырып жатыр. Батыс Қазақстан облысының төрт ірі су қоймасы 90%-ға толды. Бәрі штаттық кестеге сай жұмыс істейді. Ақтөбе облысындағы екі ірі су қоймасының орташа су жинау көрсеткіші 95%-ға жетті. Солтүстіктегі су қоймалары да 100 пайызға толды. Қостанайдағы екі ірі су қоймасының орташа су жинау көрсеткіші 91%. Жиналған мол ризық ауылшаруашылығы мен өнеркәсіп саласының өркендеуіне жұмсалады.

Нұрсұлтан Нұрсейіт