Павлодар облысында скутер камазға соғылып, екі жасөспірім қайтыс болды

Павлодар облысында жол апатынан екі жасөспірім қайтыс болды. Екеуі де 9-шы сынып оқушысы. Олар скутерге мініп, Ақсудан Ертіс өзені үстімен Павлодарға апаратын көпірге шыққан. Сол сәтте, жолда тоқтап тұрған КАМАЗ-ға соғылған. Жүк көлігі жол жөндейтін компанияға тиесілі. Қатты соққыдан скутердің артында отырған бала, оқиға орнында қайтыс болды. Ал, көлік тізгініндегі жасөспірім ауруханаға жеткізілген соң, көз жұмды. Қылмыстық іс қозғалды.

Болат Аманбаев