Ақылы жол: 22 миллион теңге берешек өндірілді

«Қызылорда-Шымкент» аралығындағы ақылы автожолда көлік жүргізушілерінен соңғы 5 айда 22 миллион теңге берешек өндірілді.

«ҚазАвтоЖол» мен Көліктік бақылау инспекциясы мамандары күрежолға күнделікті рейдке шығып, бақылауды күшейтті. Яғни, ақылы жолға төлем жасамай жүрген транзиттік жүк көліктері анықталса, олардың қозғалысына шектеу қойылады. Сондықтан жүргізушілер қарызды дер кезінде өтеп жатыр. Ал мемлекет қазынасына түскен әрбір қаражат ақылы жолды күтіп ұстауға жұмсалады.

Нұрбол Абызбаев, «Қажсервис» ЖШС ҚОФ директоры:

«Қызылорда-Шымкент» бағытында жол ақылы жол. 4 жолақты. Ақы төлеуге еркімен төлемейтіндер көп қазір. Транзиттік автокөліктермен жұмыс жасап, күніне солардан өндіру жұмыстарын жүргізу кезінде 2 миллионға дейін ақша түсіп жатыр.

Әділбек Серікұлы