«EURO 2024»: Бүгін соңғы топтағы алғашқы кездесулер өтеді

Бүгін Алмания елінде өтіп жатқан аладоп додасының бесінші күні. 17-ші Еурокубокқа іріктелген алтыншы, яғни соңғы топтағы құрамалар кездеседі. Құрлықтық аламанда алғаш рет ойын көрсететін Грузияның асығы алшысынан түсе ме? Әлде 2008 жылғы Еуропа чемпионатында жартылай финалға дейін жеткен түріктердің жолы бола ма? Қос құраманың кездесуін, бүгін «Qazsport» арнасы біздің уақыт бойынша кешкі сағат 20:50-де көрсетеді. Ал түнгі 23:50-де, Португалия мен Чехия арасындағы матч болады. Лейпциг қаласында өтетін ойынды Ұлттық арнадан және Qazsport-тан да тамашалай аласыз.

Қаракөз Тұрмағамбет