Шығыс Қазақстанда ауа температурасы 47 градусқа дейін көтерілді

Еліміздің шығысында да аптап ыстық басталды. Соңғы үш тәулікте орташа ауа температурасы 39, 41 градусқа дейін көтерілді. Оңтүстік аудандарда 45, 47 градусқа жеткен. Синоптиктер өңірде алдағы тәуліктер де аптаптың беті қайтпайтынын хабарлады.

Дәрігерлер қатты ыстық, әсіресе созылмалы жүрек қан тамырлары ауруына шалдыққан науқастарға өте қолайсыз екенін айтады. Тіпті, соңғы үш тәулікте қысымы көтеріліп, жедел жәрдемге қоңырау шалатындардың саны 2-3 есеге артқан. Өзен-көлдерге түсетіндер де көбейген. Мамандар суға шомылу кезінде өте сақ болуды ескертеді.

Олжас Керейхан