Павлодардағы әуежайға айыппұл салынды

Павлодар қаласының әуежайы ғимаратты жалдау ақысын 15 пайызға көтермек болған. Бірақ Әуекомпаниялары бәсекелестікті қорғау және дамыту департаментіне шағымданып бұның заңсыз екенін дәлелдеді. Қызығы сол, құзырлы орган ұшу алаңдары мен жолаушыларға арналған ғимаратты жалдау құны не себепті қымбаттағанын сұрап, хат жазған. Бірақ тексеруші органға жауап беру былай тұрсын, тергеуге қажетті ақпараттарды бермей қойған. Енді олар мемлекетке 664 мың теңге айыппұл төлейді.

Қуат Өтеуов, Бәсекелестікті қорғау және дамыту агенттігінің Павлодар облысы бойынша департамент бастығының орынбасары:

Олардың әрекеттерінен өктемдік белгілері байқалды. Себебі, өңірдегі жалғыз әуежай. Осыны пайдаланып бағаны көтерсек, бәрі көне кетеді деп санаған болу керек. Тексеру барысында жалдау ақысын көтерудің негізгі себебі коммуналдық шығындардың өсуі мен жалақының өсуіне байланысты болғаны анықталды. Біраз соған заңдық тұрғыдан әрекет етулері керек еді.

Болат Аманбаев