2027 жылға дейін 25 мың шақырым жол интернетпен қамтылады

2027 жылға дейін еліміздегі 25 мың шақырым жол, толықтай интернетпен қамтылады. Цифрлы даму, инновациялар және аэроғарыш өнеркәсібі министрлігінің өкілдерінің айтуынша, қазір, құжаттар әзірленіп жатыр. Сондай-ақ еліміздегі 1729 мектепке Starlink спутниктік терминалдары орнатылды. Бірақ оның 136-сы шекаралас аумақтағы ауылдар болған соң, іске қосылмаған. Әзірге көрші мемлекеттермен келіссөздер жүріп жатыр. Министрлік мамандары елордадағы байланыс сапасы төмен 67 локацияның 52-сінде мәселе шешілгенін айтты. Ал жол бойына анттенналар келер жылдан бастап орнатылады. Кейін мобилдік кешенді станциялар салынады. 

Раушан Сайлауқызы