Павлодар облысында «ЭкоДесант» ұйымы қаланы аптасына екі рет тазартады

«Таза Қазақстан» игілігі мол акцияға айналды. Мәселен Павлодар облысында елді мекендер аумағынан 98 мың тонна күл-қоқыс шығарылған. 29 мыңнан астам көшет отырғызылды. Бұл шараға 330 мыңға жуық тұрғын атсалысты. Ең бастысы науқан күйінде қалып қоймай, адамдар дағдыға айналдыра бастады. Мәселен, аймақ еріктілері тарапынан құрылған «ЭкоДесант» ұйымы аптасына екі мәрте тазалық жұмыстарын өткізеді. Әр бейсенбі сайын қаладағы саябақтар мен көшелерді ретке келтірсе, жұма күндері табиғат аясына шығады.

Бектас Уәлитбек, еріктілер орталығының инспекторы:

Бүгінгі  «ЭкоДесант». Ол бізде аптасына екі рет өтеді. Біздің қаламызды таза ұстап, оны жинау, аялап ұстауға шақырамыз. Осы көшелерде тұратын адамдарға үлгі көрсетіп, яғни біздің қаламызды қалай көркейтуімізге болады, сондай жұмыстар атқарып жатырмыз. 

Болат Аманбаев