Қызылорда облысында әйелін қатыгездікпен өлтірген күдікті қамауға алынды

Қызылорда облысында 26 жастағы жігіт әйелін қатыгездікпен өлтірді деген күдікпен қамауға алынды. Қайғылы оқиға Шиелі ауданының Майлытоғай ауылында болған. Күйеуі 21 жастағы келіншегін аяусыз соққыға жыққан. Ауыр дене жарақатынан әйел сол жерде жан тапсырған. Қылмыстан жалтарып, қашып кеткен күдіктіні полиция жедел іздестіру шараларын жүргізіп, ізін суытпай ұстады. Қазір аталған дерек бойынша қылмыстық іс тіркеліп, тергеу амалдары жүріп жатыр.

Әділбек Серікұлы