Павлодар облысында 150 жүк көлігі заңсыз рәсімделген

Павлодар облысында шетелдік жүк көліктерді заңсыз тіркеуге қоюды кәсіп қылған қылмыстық топ ұсталды. Қазір олар қамауда отыр. Күдіктілер 2021 жылдың маусым және тамыз айында 150 көлікті бірінен соң бірін рәсімдеген. Ақпараттық базаға енгізу үшін төлемақы жасалғаны жөніндегі түбіртектерді қолдан жасаған. Осылайша алғашқы тіркеу және утиль алымына тиесілі 1,5 млрд-қа жуық қаржы мемлекетке түспеген. Қазіргі уақытта алаяқтық жолмен тіркелген көліктердің барлығы айып тұрағына қойылды. Күдіктілерге қатысты экономикалық қылмыстарды тергеу департаменті іс қозғап, тергеу жүргізіп жатыр.

Болат Аманбаев