Садақ атудан ұлттық құрама Көшпенділер ойындарына дайындалып жатыр

Алматыда дәстүрлі садақ атудан ұлттық құраманың көшпелі оқу-жаттығу жиыны өтіп жатыр. Спортшыларымыз қыркүйекте Астанада өтетін V Дүниежүзілік көшпенділер ойындарына қатысады. 12 мерген бақ сынайды. Іріктеуден өткен 10 спортшы жарысқа қатысса, ал екеуі резервте болады. Бүгінде спорттың осы түрі бойынша Көшпенділер ойындарына қатысуға 35 елден 300-ге жуық спортшы тіркелген.

Диас Ахметов, Дәстүрлі садақ атудан Қазақстан ұлттық құрамасының аға жаттықтырушысы:

V Дүниежүзілік көшпенділер ойынында жеңу үшін барымызды салып жатырмыз. Дәстүрлі садақ ату қазақтың қанында бар спорт түрі болғандықтан міндетті түрде жеңіс түрінде көрінуіміз керек. Сол үшін күнделікті үзбей жаттығу жасаудамыз. Бұл дәстүрлі садақ ату тек қазақ елінде ғана емес дамыған, басқа елдерде де дәстүріне сіңген спорт. Сондықтан оңай болмайын деп тұр.

Ақмаржан Ғафизқызы