Жүрекке жасалатын ерекше операцияны өңір мамандары да меңгеріп алған

Елімізде жүрек-қан тамыры аурулары жас таңдамайтын болып барады. Дегенмен, дәрігерлер бұл дертпен үздіксіз күресіп келеді. 2014 жылы науқастардың жүрегіне қан жүгіртуге арналған құрылғы қолданыла бастаған. Содан бергі 10 жылда 500 сәтті операция жасалды. Науқастың алды 8 жаста болған. Яғни, бұл донор табылғанға дейін амалдауға мүмкіндік беретін жалғыз жол. Қазір Астана, Алматы, Тараз, Шымкент қалаларының мамандары операцияның осы түрін жасауға әбден машықтанған.

Салтанат Андосова, UMC жүрек орталығының кардиологы:

Созылмалы жүрек жетіспеушілігі бүгінгі таңда науқасқа тегін жасалады. Мемлекет оған 60 млн теңге бөледі. Тек қана біздің орталық емес, ел бойынша 4 орталық осындай ота жасайды. Ең қауіпті ауру бұл, науқастардың 50 пайызы алғашқы 5 жылында қайтыс болып кетіп жатыр.

Аида Ахметбек